igarkizunak

guk eskolan, euskararen erabilera hobetzeko igarkizunak egiten genituen, adibide gisa:

1.       Basapiztia beldurgarria

Arrosaz pintatu artean;

Orain berriz barregarria:

Zine-izan delako ote?

2.       Ezer ez dut asmatzen

Bai dena imitatzen,

Tximinokeria ugari

Egiten dut nik beti.

3.       Norbaitekin haserre zaudenean

Bidaltzen duzu bertara.

Judas ere haraxe azkenean

joan zen urkatzera.

4.       Urtean behin etorri

eta goi- goian bizi;

ez da handik erortzen

oso delako buruargi.

5.       Behatza bezain txikia izanik

Anaiak nituen salbatu

Ogroaren bota miragarriekin

Ogibidea nuen lortu.

6.       Aurrean jarri eta klask egin;

Barruan hartuko zaitu

eta ezabatu ezin.

7.       Ez du balio

Nahi badugu jateko,

Baina behar- beharrezko

Bizi ahal izateko.

8.       Gora eta behera igotzen da

Artista paregabea;

Lau hanka ditu, eta buztan luzea

Maite ditu beroa eta harriartea.

9.       Lahar eta sasiartean babestua

Egoten da gozoki morea;

Ez da erraza izaten hartzea,

Gero bai gozoa zaporea.

10.   Helize batez dabilen

ibilgailu hegalaria,

zuzen- gora igo eta airean geldi daitekeen

eulia burrunbaria.

11.   Biribil- biribila

Korrikari edo saltaria,

Eskuz esku doana

Hankaz hanka dabilena.

12.   Haitzez haitz saltoka

Ederki egiten du adarka;

Beronen gauerdiko eztula

Ganorabako gauza txatxala.

13.   Hasieratik hogeita bigarrena

Atzekoz Aurrera laugarrena;

Hastekotan nire bila,

Jo ezazu Lapurdira

Edo bestera Zuberoara.

14.   Sarri laguntzen nau egunez,

Nik egiten dudana eginez;

Gauean uzten nau bakarrik

Argi Gabe ez baitu bizirik.

15.   Lepoaldean kiribilatzen den

Artilezko jantzi luzea,

Beroa ematen duen

Suge arrisku-gabea.

16.   Zeruak nauka,

Itsasoak ere bai,

Baita turkesa harriak

Eta indioilarrak, noski.

17.   Inoiz elkar aurkitu Gabe

Ondo- ondoan dabiltza beti;

Guri berriz hirira joaten

Laguntzen digute sarri.

18.   Zer ote da, zer?

Ondo gauza bitxia!

Zenbat eta gehiago hazi,

Orduan eta gutxiago ikusi

19.   Landan bazabiltza paseiari

Adi hegazkin hori- beltzari,

Sastada gogorrak

Ematen baititu ________

20.   Zuri edo gorrixka da etxea

Batere bazterrik gabea

Falta ditu leihoak eta atea

Baina ez da itotzen kumea.

21.   Txin- txin egiten du lurrean

Hodeietatik datorren garau

Gogorrak;

Babesgabe bazaude kanpoan,

Hobe ez harrapatzea________

22.   Ahoa badu

Nahiz eta orain janez;

Sabelean duela

Oso baliotsua denez,

Gogor lan egiten da

Altxorra atera nahiez.

23.   Tente eta handikiro

Alkandora zuri-zuriarekin,

Jaka beltzarekin eta dotore

Ibiltzen dira uretan ere.

24.   Fruitu jangarriak

Mordozka haziak

Beltzak nahiz zuriak

Goxo- goxoak guztiak.

25.   Lore arrunta banaiz,

Zergatik deitzen bitxia?

Petaloak ditut zuriak

Eta bihotza horia.

26.   Fruta- zakuz egindako ardoa

Kantauri itsasaldekoa;

Goitik nahi baduzu atera

Sarri joango zaizu kanpora.

27.   Amaren erdikoa da

Maitasunaren hasierakoa,

Mendiaren itxura du

Eta beronen aurrean doa.

28.   Esku eta atzamarren formakoa

Artile, larru eta abarrezkoa;

Sasoiz negurakoa,

Zuk asmatu zertarakoa.

29.   Bizkarra badu

Baina besorik ez:

Hankak baditu

Baina ez daki ibiltzen;

Alferra denak

Ondo daki berotzen.

ERANTZUNAK:

1. pantera arrosa
2. tximinoa
3. pikundo
4. zikoina
5. pulgarzito
6. argazkia
7. haizea
8. sugandila
9. mora
10. elikopteroa
11. pelota
12. ahuntza
13. W
14. itzala
15. tapauka
16. urdina
17. trenbideko errailak
18. iluntasuna
19. erlea
20. arraultza
21. txingorra
22. meategia
23. pinguinoa
24. mahatsa
25. bitxiloreak
26. sagardoa
27. M
28. eskularroa
29. aulkia